काठमाडौं । साताको चौथो कारोबार दिन सेयर बजारमा दोहोरो अंकको गिरावट आएको छ । उक्त दिन बजार १८.६० अंकले घटेर २००४ को विन्दुमा कायम हुन पुगेको हो ।
बुधबार सेयर बजारमा १ अर्ब ८१ करोड ४३ लाख ५९ हजार रुपैंया कारोबार भएको छ । आज नेप्सेमा कारोबार भएको २८२ कम्पनीको ७० लाख ६१ हजार ४०४ कित्ता सेयर किनबेच भएको छ ।आज नेप्से उपसमूहमा रहेका १३ वटै समूहमा राताम्मै भएको छ।
सेयर बजारमा गिरावट आउँदा लक्ष्मी भयालु फण्ड र शुभम् पावरको सेयरमा नकरात्मक सर्किट लाएको छ । कम्पनीहरुको सेयर मूल्य क्रमशः १० प्रतिशत र ९.९९ प्रतिशतले घटेको छ । त्यसैगरी, हिमालयन उर्जा विकास कम्पनीको ७.६३ प्रतिशत, पिपुल्स हाइड्रोपावरको ६.६७ प्रतिशत, सप्तकोशी डेभलपमेन्ट बैंकको ५.९४ प्रतिशतले सेयर मूल्य घटेको छ ।
वि.सं.२०८० असोज १० बुधवार १५:२० मा प्रकाशित
