काठमाडौं । नेपाल स्टक एक्सचेन्ज (नेप्से)मा पाँच म्युचुअल फण्ड कम्पनीको मूल्य समायोजन भएको छ ।
बुधबार नेप्सेमा एनएमबि ५०को १५ प्रतिशत नगद लाभांशमा मूल्य समायोजन भएको हो । नेप्सेका अनुसार मूल्य समायोजन पछिको भाउ ९ रुपैयाँ ७७ पैसा कायम भएको छ । बुधबारको अन्तिम कारोबार मूल्य ११ रुपैंया २७ पैसालाई आधार मानेर भाउ समायोजन गरिएको हो ।
त्यस्तै, एनएमबि हाइड्रो फण्ड १ को १५ प्रतिशत नगद लाभांशपछि प्रतिइकाई ९ रूपैयाँ ८४ पैसा हुने गरी मूल्य समायोजन गरेको हो । नेप्सेले बुधबारको अन्तिम कारोबार मूल्य ११ रुपैंया ३४ पैसाका आधारमा मूल्य समायोजन गरेको छ ।
सनराइज फस्र्ट म्युचुअल फण्डको १६ प्रतिशत नगद लाभांशपछि प्रतिइकाई ९ रुपैंया ६७ पैसा हुो गरी मूल्य समायोजन गरेको छ । नेप्सेले बुधबारको अन्तिम कारोबार मूल्य ११ रुपैंया २७ पैसाका आधारमा मूल्य समायोजन गरेको हो ।
सानिमा इक्विटी फण्डको १८ प्रतिशत नगद लाभांशपछि प्रतिइकाई ९ रुपैंया ९७ पैसा हुनेगरी मूल्य समायोजन गरेको छ । कम्पनीको बुधबारको अन्तिम कारोबार मूल्य ११ रुपैंया ७७ पैसा रहेको छ ।
त्यस्तै, प्रभु सेलेक्ट फण्डको ९.५ प्रतिशत नगद लाभांशपछि प्रतिइकाई ८ रुपैंया ३० पैसा हुने गरी मूल्य समायोजन गरेको छ । कम्पनीको आजको अन्तिम कारोबार मूल्य ९ रुपैंया २५ पैसा रहेको छ । सोही मूल्यको आधारमा यी कम्पनीको सेयर कारोबार आइतबार खुल्नेछ ।
वि.सं.२०८० असोज १० बुधवार १७:४८ मा प्रकाशित
