काठमाडौं । नबिल म्युचुअल फन्डअन्तर्गत सञ्चालित ‘नबिल ब्यालेन्स्ड फन्ड–२’को लाभांश घोषणा भएको छ।
योजना व्यवस्थापक नबिल इन्भेस्टमेन्ट बैंकिङको सञ्चालक समितिको बिहीबार बसेको बैठकले यो म्युचुअल फन्डका इकाइधनीहरुलाई आर्थिक वर्ष २०७९/८०को सञ्चित मुनाफाबाट कुल ९.६ प्रतिशत नगद लाभांश (करसहित) वितरण गर्ने निर्णय गरेको हो।
कम्पनीको लाभांश वितरणार्थ यही असोज २६ गते एक दिन बुक क्लोज गर्ने निर्णय गरेको छ। यसर्थ असोज २५ गतेसम्म कायम इकाइधनीहरुले मात्रै यो योजनाको लाभांश पाउन सक्नेछन्।
वि.सं.२०८० असोज १२ शुक्रवार ११:५८ मा प्रकाशित
