काठमाडौं । नेपाली बजारमा यो साता सुनको भाउमा लगातार गिरावट आएको छ। जम्मा ६ कारोबार दिनमा ४ दिन सुनको भाउ घटेको छ।
साताको अन्तिम कारोबारमा दिन शुक्रबार पनि सुनको भाउ प्रतितोला ८०० रुपैयाँले घटेको छ। योसँगै प्रतितोला छापावल सुन १ लाख ८ हजार ८०० रुपैयाँ र तेजाबी सुन प्रतितोला १ लाख ८ हजार ३०० रुपैयाँ कायम भएको छ।
यसअघि असोज ७ गते आइतबार छापावाल सुन प्रतितोला १ लाख १२ हजार २०० रुपैंया र तेजावी सुन प्रतितोला १ लाख ११ हजार ६५० रुपैंयामा कारोबार भएको थियो । यस हिसावले आज असोज १२ गते शुक्रबारसम्म आईपुग्दा यो सातामात्रै सुनको भाउ तोलामा ३ हजार ४०० रुपैयाँले घटेको छ।
त्यसैगरी, चाँदीको भाउ भने आज तोलामा २५ रुपैयाँले बढेर १ हजार ३९५ रुपैयाँ कायम भएको छ। अघिल्लो कारोबार दिन बिहीबार चाँदी तोलामा १५ रुपैयाँले घटेर १ हजार ३७० रुपैयाँमा कारोबार भएको थियो। यो साता चाँदीको भाउ पनि तोलामा ३५ रुपैयाँले घटेको छ।
वि.सं.२०८० असोज १२ शुक्रवार ११:५० मा प्रकाशित
