काठमाडौं । नेपाल स्टक एक्सचेन्ज (नेप्से)मा दुई वटा वाणिज्य बैंकको मूल्य समायोजन भएको छ । नेप्सेमा एनआइसी एशिया बैंक र एभरेष्ट बैंकको बोनस सेयरमा मूल्य समायोजन भएको हो ।
जसमा एनआइसी एशया बैंकको २९ प्रतिशत बोनस सेयरमा मूल्य समायोजन भएको हो । नेप्सेका अनुसार मूल्य समायोजन पछिको भाउ ५९० रुपैंया ३१ पैसा कायम भएको छ । सोमको अन्तिम कारोबार मूल्य ७६१ रुपैयाँ ५० पैसालाई आधार मानेर भाउ समायोजन गरिएको हो ।
त्यस्तै, एभरेष्ट बैंकको १० प्रतिशत सेयरमा मूल्य समायोजन गरिएको हो । समायोजन पश्चात बैंकको भाउ ५१४ रुपैयाँ ५५ पैसा कायम भएको छ । सोमबारको अन्तिम कारोबार मूल्य ५६६ रुपैयाँलाई आधार मानेर भाउ समायोजन गरिएको हो । सोही मूल्यको आधारमा यी कम्पनीको सेयर कारोबार भोली खुल्नेछ ।
वि.सं.२०८० असोज १५ सोमवार १६:१६ मा प्रकाशित