काठमाडौं । सोनापुर मिनरल्स एन्ड आयल लिमिटेडको आइपीओमा आवेदन दिने आज असोज १८ गते बिहीबार अन्तिम दिन हो ।
सोनापुरको आईपीओ निष्कासन बन्द छिटोमा हिजो असोज १७ गते बैंकिङ समयपछि हुने भनिएको थियो। तर, तोकिएको मितिसम्म मागभन्दा कम आवेदन परेका कारण म्याद थप गरेको थियो ।
माग भन्दा बढी आवेदन परेकाले सोनापुर मिनरल्सले आजसम्म मात्रै आवेदन लिने जनाएको छ ।
कम्पनीले असोज १४ गतेदेखि १०० अंकित मूल्यमा १३७ रुपैयाँ ५८ पैसा प्रिमियम थप गरी प्रतिकित्ता २३७ रुपैयाँ ५८ पैसका दरले ९७ लाख ३२ हजार ५४४ कित्ता सेयर सर्वसाधरणका लागि बिक्रीमा ल्याएको हो ।
सो आईपीओमा न्यूनतम १० कित्ताका लागि आवेदन दिनुपर्नेछ भने अधिकतममा १५ लाख कित्ताका लागि आवेदन दिन सकिनेछ। आईपीओ बिक्री प्रबन्धक एनआईएमबी एस क्यापिटल रहेको छ।
सीडीएसका अनुसार कम्पनीको आइपीओमा असोज १७ गते बुधबार साँझसम्ममा ९ लाख ८६ हजार ७५० जनाले १ करोड १७ लाख ५२ हजार २९० कित्ताका लागि आवेदन दिइसकेका छन् । यो मागभन्दा १.२० गुणा बढी आवेदन हो ।
वि.सं.२०८० असोज १८ बिहीवार १०:३८ मा प्रकाशित
