काठमाडौं । माथिल्लो मैलुङ खोला जलविद्युत लिमिटेडको आईपीओमा १ अर्ब ३८ करोड ८० लाख ५९ हजार रुपैयाँ बराबरको आवेदन परेको छ ।
सिडिएसका अनुसार असोज २२ गते अन्तिम दिन सोमबार साँझसम्ममा कम्पनीको आईपीओमा १२ लाख ४९ हजार १०७ जना आवेदकले १ करोड ३८ लाख ८० हजार ५९० कित्ताका लागि आवेदन दिएका हुन् । जुन माग भन्दा १०.८० गुणा बढी आवेदन हो । मागभन्दा बढी आवेदन परेको कारण यो आईपीओ पनि गोलाप्रथाबाट बाँडफाँड हुने भएको छ ।
यस अनुसार १ लाख २८ हजार ४०८ जनाले १०/१० कित्ताका दरले सेयर हात पार्नेछन् । कम्पनीको आईपीओमा १२ लाख ३६ हजारभन्दा बढीको हात खाली हुने भएको छ ।
कम्पनीले असोज १८ गतेदेखि सर्वसाधारणका लागि १२ लाख ८४ हजार २०० कित्ता सेयर आइपीओ जारी गरेको हो ।
यसमा न्यूनतम १० कित्तादेखि अधिकतममा १० हजार कित्ताका लागि आवेदन दिन सक्ने व्यवस्था थियो ।कम्पनीको शेयर निष्काशन तथा बिक्री प्रबन्धक सानिमा क्यापिटल लिमिटेड रहेको छ।
वि.सं.२०८० असोज २३ मंगलवार १३:०२ मा प्रकाशित