काठमाडौं । मंगलबार नेपाल स्टक एक्सचेञ्ज (नेप्से)मा माण्डु हाइड्रोपावर र हाथवे इन्भेष्टमेन्ट नेपालको आइपीओ सूचिकृत भएको छ ।
नेप्सेमा माण्डु हाइड्रोपावरको १ करोड ३६ लाख कित्ता बढी सेयर सूचिकृत भएको हो । कम्पनीको पहिलो कारोबारका लागि १२४ रुपैंया ४२ पैसा देखि अधिकतम ३७३ रुपैंया २६ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एमएएनडियु’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, स्थानिय बासिन्दाहरु र कर्मचारी समेत) १६ लाख ३६ हजार ३७० कित्ता र संस्थापकहरूले लगानी गरेको १ करोड २० लाख कित्ता गरेर कुल १ करोड ३६ लाख ३६ हजार ३७० कित्ता साधारण सेयर सूचीकृत गराएको हो ।
त्यसैगरी, हाथवे इन्भेष्टमेन्ट नेपालको २ करोड ३४ लाख कित्ता सेयर सूचिकृत भएको हो । कम्पनीको पहिलो कारोबारका लागि ९५ रुपैंया ९ पैसा देखि अधिकतम २८५ रुपैंया २७ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एचएटिएचवाई’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, र कर्मचारी समेत) २९ लाख २५ हजार कित्ता र संस्थापकहरूले लगानी गरेको २ करोड ४ लाख ७५ हजार गरेर कुल २ करोड ३४ लाख कित्ता साधारण सेयर सूचीकृत गराएको हो ।
सूचिकृत पश्चात दुवै कम्पनीको सेयर भोली बुधबारबाट धितोपत्र दोस्रो बजारमा कारोबार सुरु हुनेछ ।
वि.सं.२०८० असोज २३ मंगलवार १४:४७ मा प्रकाशित