काठमाडौं । साताको तेस्रो कारोबार दिन सेयर बजारमा दोहोरो अंकको गिरावट आएको छ । उक्त दिन बजार १९.०६ अंकले घटेर १८८९ को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी सानिमा जिआइसी इन्स्योरेन्सको कारोबार भएको छ । आज कम्पनीको २० करोड ३४ लाख ५० हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको नबील बैंकको ३ करोड ४३ लाख ८८ हजार रुपैयाँ बराबरको सेयर खरिद बिक्री भएको छ ।
त्यस्तै उक्त एनआईसी एशिया बैंकको ३ करोड २ लाख ७२ हजार रुपैयाँ, शिभम् सिमेन्टको २ करोड ६३ लाख ४ हजार रुपैयाँ र सिटिजन लाइफ इन्स्योरेन्सको २ करोड ६० लाख २९ हजार रुपैयाँको कारोबार भएको हो ।
वि.सं.२०८० असोज २३ मंगलवार १५:०५ मा प्रकाशित
