काठमाडौं । सिटिजन्स बैंक इन्टरनेसनलको अध्यक्षमा प्रवल जङ्ग पाण्डे निर्वाचित भएका छन् ।
कम्पनीको शुक्रबार सम्पन्न १७ औं वार्षिक साधारण सभा पश्चात बसेको सञ्चालक समितिको बैठकले सञ्चालक प्रवल जङ्ग पाण्डेलाई अध्यक्ष पदमा निर्वाचित गरेको हो ।
कम्पनीको संस्थापक शेयरधनीहरुको तर्फबाट प्रतिनिधित्व गर्ने अध्यक्ष पाण्डे सिटिजन्स बैंक इन्टरनेसनल लिमिटेडको प्रमुख लगानीकर्ता पनि हुन् । उनले यसअघि कम्पनीको सञ्चालक पदमा रहि कार्य गरि सकेका छन् ।
साथै सो सभाबाट सीता कार्की (केसी),सजन शर्मा, दिग्विजय विष्ट, सञ्चालक समितिको सदस्यमा निर्वाचित भएका छन् । कम्पनीमा सात जना सञ्चालक रहेकोमा सर्वसाधारणहरुको तर्फबाट प्रकाशचन्द्र मैनाली, विजयध्वज कार्की र स्वतन्त्र सञ्चालकमा अनिल ज्ञवाली रहेका छन् ।
वि.सं.२०८० असोज २६ शुक्रवार १७:०३ मा प्रकाशित
