काठमाडौं । आज असोज ३० गते मंगलबार सेयर बजारमा सुधार आएको छ । उक्त दिन बजार १३.१८ अंकले बढेर १८६४ को विन्दुमा कायम हुन पुगेको हो । बैंकहरुले धमाधम निक्षेपको ब्याजदर घटाउन थालेपछि लगानीकर्तामा उत्साह थपिदा शेयरबजार बढेको हो ।
मंगलबार सेयर बजारमा १ अर्ब २५ करोड ३२ लाख ९१ हजार रुपैंया कारोबार भएको छ । आज नेप्सेमा कारोबार भएको २८४ कम्पनीको ४८ लाख ३७ हजार ८९३ कित्ता सेयर किनबेच भएको छ ।
बजार बढेसँगै आज १० उपसूचकमा हरियाली छाएको छ । आज होटल तथा पर्यटन, निर्जीवन बीमा र ट्रेडिङ उपसूचक क्रमशः ०.२७, ०.५३ र १.२५ प्रतिशतले घटेका छन् भने फाइनान्स, बैंकिङ, र म्युचुअल फण्ड उपसूचक क्रमशः १.३०, १.१० र १.०६ प्रतिशतले बढेका छन् ।
सेयर बजारमा सुधार आउँदा हाथवे इन्भेष्टमेन्ट कम्पनीको सेयर मूल्य सर्वाधिक घटेको छ । कम्पनीको सेयर मूल्य ८.५३ प्रतिशतले घटेको छ । त्यस्तै सुपर माइ हाइड्रोपावरको ६.४५ प्रतिशत, हिमालयन लघुवित्तको ५.९९ प्रतिशत, प्रभु बैंक डिबेञ्चरको ५.८७ प्रतिशतले सेयर मूल्य घटेको छ ।
वि.सं.२०८० असोज ३० मंगलवार १५:२५ मा प्रकाशित
