काठमाडौं । नेपाल स्टक एक्स्चेन्ज (नेप्से) मा बिहीबार एक कम्पनीको आइपीओ सूचिकृत भएको छ । आज नेप्सेमा सोनापुर मिनरल्स् एण्ड आयल लिमिटेडको आइपीओ सूचिकृत भएको हो ।
सोनापुरको ३ करोड ७ लाख ५० हजार ५०० कित्ता सेयर सूचिकृत भएको हो । कम्पनीको पहिलो कारोबारका लागि १४२ रुपैंया १ पैसा देखि अधिकतम ४२६ रुपैंया ०३ पैसासम्म ओपनिङ रेञ्ज निर्धारण गरिएको छ । कम्पनीको स्टक सिम्बोल ‘एसओएनए’ रहेको छ ।
कम्पनीले सर्वसाधारणको लागि वितरण गरेको (वैदेशिक रोजगारीमा रहेका नेपाली, सामुहिक लगानी कोष, र कर्मचारी समेत) १ करोड २३ लाख २०० कित्ता र संस्थापकहरूले लगानी गरेको १ करोड ८४ लाख ५० हजार ३०० गरेर कुल ३ करोड ७ लाख ५० हजार ५०० साधारण सेयर सूचीकृत गराएको हो ।
सूचिकृत पश्चात उक्त सेयर कार्तिक १२ गतेदेखि धितोपत्र दोस्रो बजारमा कारोबार हुनेछ ।
वि.सं.२०८० कात्तिक २ बिहीवार १४:५० मा प्रकाशित