काठमाडौं । दशैं अघिको अन्तिम कारोबार दिन सेयर बजारमा गिरावट आएको छ । बिहीबार बजार ४.०५ अंकले घटेर १९०३ को विन्दुमा कायम हुन पुगेको हो ।
आज सेयर बजारमा गिरावट आउँदा सबैभन्दा बढी नबील बैंकको प्रमोटर सेयरको कारोबार भएको छ । आज कम्पनीको ५ करोड ९० लाख रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको प्रभु बैंकको प्रमोटर सेयरको ५ करोड १५ लाख ३७ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन नबील बैंकको ३ करोड ९० लाख ९० हजार रुपैयाँ, घलेम्दी हाइड्रोको २ करोड ८१ लाख ३ हजार रुपैयाँ र सानिमा जिआइसी इन्स्योरेन्सको २ करोड ५३ लाख ७० हजार रुपैयाँको कारोबार भएको हो ।
वि.सं.२०८० कात्तिक २ बिहीवार १५:०५ मा प्रकाशित
