काठमाडौं । नेपाल पुनर्बीमा कम्पनीको ५ लाख कित्ता सेयर आज कात्तिक ३ गतेबाट लिलामी प्रक्रियामार्फत बिक्रीमा राखिएको छ। कम्पनीले संस्थापक समूहको ५ लाख कित्ता सेयर बिक्रीमा राखेको हो।
यस लिलामी सेयरमा कम्पनीका संस्थापक सेयरधनी वा अन्य संघसस्थाले पनि आवेदन दिन सक्नेछन् । यसमा न्यूनतम २७० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ ।
लगानीकर्ताले न्यूनतम १ लाख कित्तादेखि अधिकतम सबै कित्ताका लागि आवेदन दिन सक्नेछन् । यसमा कात्तिक १२ गतेसम्म आवेदन दिन मिल्नेछ । बिक्री प्रबन्धक एनआइसी एसिया क्यापिटल, थापाथली काठमाडौंमा पुग्ने गरी आवेदन बुझाउनुपर्नेछ ।
वि.सं.२०८० कात्तिक ३ शुक्रवार ११:४० मा प्रकाशित
