काठमाडौं । साताको दोस्रो कारोबार दिन सेयर बजारमा सामान्य सुधार आएको छ । उक्त दिन बजार ३.०४ अंकले बढेर १८७८ को विन्दुमा कायम हुन पुगेको हो ।
आज नेप्सेमा कारोबार भएको २८७ कम्पनीको २८ लाख २४ हजार ७ कित्ता सेयर किनबेच हुँदा ६९ करोड ४२ लाख २२ हजारको कारोबार भएको छ । बजारमा सुधार आएसँगै १० वटा उपसूचकमा हरियाली छाएको छ ।
सेयर बजारमा सुधार आउँदा सोनापुर मिनरल्सको सेयरमा नकरात्मक सर्किट लाएको छ । कम्पनीको सेयर मूल्य १० प्रतिशतले घटेको छ । त्यसैगरी, बिन्ध्यावासिनी हाइड्रोपावरको ६.६७ प्रतिशत, अपर सोलु हाइड्रोको ६.५८ प्रतिशत, लक्ष्मी उन्नती कोषको ४.२९ प्रतिशत र ग्लोबल आइएमई ब्यालेन्स्ड फण्डको ३.९२ प्रतिशतले सेयर मूल्य घटेको छ ।
वि.सं.२०८० कात्तिक १३ सोमवार १५:२० मा प्रकाशित