काठमाडौं । साताको चौथो कारोबार दिन सेयर बजारमा गिरावट आएको छ । उक्त दिन बजार ५.८३ अंकले घटेर १८५८ को विन्दुमा कायम हुन पुगेको हो ।
आज नेप्सेमा कारोबार भएको २९६ कम्पनीको ३३ लाख ६४ हजार ५६ कित्ता सेयर किनबेच हुँदा ८१ करोड २० लाख ८९ हजारको कारोबार भएको छ । बजारमा गिरावट आएसँगै १२ वटा उपसूचकमा राताम्मै भएको छ ।
सेयर बजारमा गिरावट आउँदा सोनापुर मिनरल्सको सेयर मूल्य सर्वाधिक घटेको छ । कम्पनीको सेयर मूल्य ७.९९ प्रतिशतले घटेको छ । त्यसैगरी, सिद्धार्थ इक्विटी फण्डको ७.७५ प्रतिशत, सिद्धार्थ इन्भेष्टमेन्ट ग्रोथको ६.१४ प्रतिशत, सिवाइसी लघुवित्तको ५.५२ प्रतिशत र श्वेत गंगा हाइड्रोपावरको ४.०४ प्रतिशतले सेयर मूल्य घटेको छ ।
वि.सं.२०८० कात्तिक १५ बुधवार १५:१९ मा प्रकाशित