काठमाडौं । सिद्धार्थ बैंकको लाभांश सुरक्षित गर्ने आज कात्तिक २० गते सोमबार अन्तिम दिन रहेको छ । साधारण सभा तथा लाभांश वितरण प्रयोजनका लागि बैंकले भोली कात्तिक २१ गते मंगलबार बुक क्लोज गर्ने भएको छ । यसर्थ आजसम्म कायम सेयरधनीले मात्र लाभांश हात पार्न र साधारण सभामा भाग लिन सक्नेछन् ।
बैंकले मंसिर ५ गते वार्षिक साधारण सभा बोलाएको छ । सभा आम्रपाली ब्यांकेट बालुवाटार काठमाडौंमा बिहान १० बजे बोलाएको हो ।
सभाले सेयरधनीहरुलाई गत आर्थिक वर्षको नाफाबाट करसहित प्रस्ताव गरेको ४.२१ प्रतिशत नगद लाभांश वितरण गर्ने प्रस्ताव पारित गर्नेछ ।
साथै, अन्य कुनै उपयुक्त बैंक तथा वित्तीय संस्थासँग मर्ज अथवा एक्वायर गर्ने सम्बन्धमा आवश्यक कार्य गर्न सञ्चालक समितिलाई अख्तियारी दिने विशेष प्रस्ताव पारित गर्नेछ। लेखापरीक्षक नियुक्त गर्ने लगायतका प्रस्तावहरु पनि उक्त सभाले पारित गर्नेछ ।
वि.सं.२०८० कात्तिक २० सोमवार ०६:५७ मा प्रकाशित
