काठमाडौं । मल्टीपर्पस फाइनान्सले लिलामीमा बिक्री गरेको सेयर कात्तिक १९ गते आइतबार बाँडफाँड भएको छ ।
जसमा संस्थापक समूहतर्फ न्यूनतम १०१ रुपैयाँ ०२ पैसा र सर्वसाधारण समूहतर्फ २६० रुपैयाँ ५० पैसा (कट आफ प्राइस) कबोल गरेर बोलपत्र पेश गर्ने आवेदकले सेयर पाएका छन् । कम्पनीले हकप्रद सेयर निष्कासन गर्दा बिक्री नभएको संस्थापक समूहको ८२ हजार १२३ कित्ता र सर्वसाधारण समूहको ८२ लाख १२३ कित्ता सेयर लिलामीमार्फत बिक्रीमा ल्याएको थियो ।
कम्पनीले लिलामी सेयर बाँडफाँडमा नपरेको पैसा कात्तिक २२ गते बुधबारदेखि आवेदकले आवेदन फारममा उल्लेख गरेको बैंक खातामा फिर्ता गर्ने जनाएको छ । यसअघि कम्पनीले भदौ १० देखि ३१ गतेसम्म १५ लाख ८२ हजार कित्ता ३५ प्रतिशत हकप्रद सेयर बिक्री खुला गरेको थियो । सो अवधिमा कम्पनीले बिक्री नभएको सेयर कम्पनीले असोज २९ गतेदेखि कात्तिक १३ गतेसम्म लिलामीमा ल्याएको हो ।
वि.सं.२०८० कात्तिक २१ मंगलवार १०:५६ मा प्रकाशित
