काठमाडौं । साताको चौथो कारोबार दिन सेयर बजारमा वृद्धि भएको छ । उक्त दिन बजार ५.१६ अंकले बढेर १८६३ को विन्दुमा कायम हुन पुगेको हो ।
आज नेप्सेमा कारोबार भएको २८८ कम्पनीको ३१ लाख ३७ हजार १२३ कित्ता सेयर किनबेच हुँदा ७७ करोड ६३ लाख १२ हजारको कारोबार भएको छ । बजारमा सुधार आएसँगै ८ वटा उपसूचकमा हरियाली छाएको छ ।
आज सेयर बजारमा बढोत्तरी आउँदा सबैभन्दा बढी सोनापुर मिनरल्सको कारोबार भएको छ । आज कम्पनीको ५ करोड ६० लाख ३५ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको हिमालयन बैंकको प्रमोटर सेयरको ५ करोड २३ लाख २७ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन नेपाल इन्भेष्टमेन्ट मेगा बैंकको प्रमोटर सेयरको ३ करोड ६० लाख २९ हजार रुपैयाँ, सानिमा जिआईसी इन्स्योरेन्सको २ करोड ६४ लाख ६६ हजार रुपैयाँ र रिलायबल नेपाल लाइफको २ करोड ३८ लाख ३६ हजार रुपैयाँको कारोबार भएको हो ।
वि.सं.२०८० कात्तिक २२ बुधवार १५:०५ मा प्रकाशित