काठमाडौं। लक्ष्मी टेक्नो प्लाष्ट लिमिटेडले प्रिमियम मूल्यमा आईपीओ निष्कासन गर्ने प्रक्रिया अगाडि बढाएको छ । सोही प्रस्तावसहित कम्पनीले पहिलो वार्षिक साधारण सभा बोलाएको हो।
सभा मंसिर ११ गते कम्पनीको रजिष्टर्ड कार्यालय हेटौंडा- ८ मा बिहान ११ बजे बोलाएको छ । सभामा प्रिमियम मूल्यमा आईपीओ जारी गर्ने सम्बन्धमा आवश्यक कार्य गर्न सञ्चालक समितिलाई अख्तियारी दिने विशेष प्रस्ताव रहेको छ ।
साथै गत आर्थिक वर्ष २०७९/८०को सञ्चालक समितिको प्रतिवेदनमा छलफल गरी पारित गर्ने तथा सञ्चालक समिति गठन गर्ने अर्को प्रस्ताव रहेको छ ।
त्यसैगरी अन्य प्रस्तावमा कम्पनीको प्रबन्धपत्रको विभिन्न दफाहरु संशोधन गर्ने तथा चालू आवका लागि लेखापरिक्षक नियुक्ति गर्ने र निजको पारिश्रमिक निर्धारण गर्ने रहेको छ ।
वि.सं.२०८० कात्तिक २३ बिहीवार १७:१५ मा प्रकाशित