काठमाडौं । नेरुडे लघुवित्त वित्तीय संस्था लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार लघुवित्तले चालु आर्थिक वर्षको पहिलो त्रैमाससम्ममा १ करोड ९० लाख रुपैयाँ खुद नाफा कमाएको छ । यो नाफा गत वर्षको यसै अवधिको तलनामा ४३.९४ प्रतिशत थोरै हो ।
गत वर्ष सोही अवधिसम्ममा लघुवित्तले ३ करोड ७९ लाख रुपैयाँ नाफा कमाएको थियो । यस अवधिमा कम्पनीको खुद ब्याज आम्दानी ११.३५ प्रतिशतले घटेर १२ करोड ६० लाख रुपैयाँमा आएको छ ।
त्यसैगरी, इम्पेयरमेन्ट चार्ज बढेर २ करोड ५१ लाख रुपैयाँ पुगेपछि सञ्चालन नाफा ४९.२७ प्रतिशतले घटेर २ करोड ७२ लाखमा सीमित भएको छ । लघुवित्तलाई खराब कर्जाको पनि दबाब बढेको देखिन्छ । खराब कर्जा गत वर्ष ४.९३ प्रतिशत रहेकामा अहिले बढेर ५.५२ प्रतिशत पुगेको छ । खुद नाफा घटेसँगै नेरुडेको प्रतिसेयर आम्दानी पनि १२.२४ रुपैयाँले घटेर १०.४१ रुपैयाँ भएको छ ।
वि.सं.२०८० कात्तिक २४ शुक्रवार ०७:०९ मा प्रकाशित