काठमाडौं । एभरेष्ट बैंकको अध्यक्षमा डा.बालगोपाल वैद्य नियुक्त भएका छन् । बैंकको बिहीबार बसेको संचालक समितिको बैठकले बैंकको सदस्य वैद्यलाई निर्विरोध अध्यक्षमा चयन गरेको हो ।
बैंकमा लामो समयदेखि अध्यक्ष रहेका बिके (विष्णुकृष्ण) श्रेष्ठको निधन भएपछि वैद्य अध्यक्ष बनेका छन् ।
बैद्यले कार्तिक २४ गो नेपाल राष्ट्र बैंकका गर्भनर समक्ष पद तथा गोपनियताको सपथ लिएको बैंकले जानकारी दिएको छ ।
विगत २० वर्ष देखि बैंकको सञ्चालक समिति सदस्य रहिरहनु भएका डा. वैद्य लामो समयदेखि अर्थ विज्ञका रुपमा समेत परिचित हुनुहुन्छ ।
राष्ट्रिय योजना आयोगका पूर्व सदस्य रहिसक्नु भएका डा. बालगोपाल वैद्यले फिलिपिन्सबाट अर्थशास्त्र विषयमा विद्यावारिधी गर्नु भएको छ । साथै, उहाँ बोर्ड अफ ट्रष्टी र गरिबी निवारण कोषको सदस्य समेत रहनु भएको थियो ।
वि.सं.२०८० कात्तिक २४ शुक्रवार १३:०१ मा प्रकाशित
