काठमाडौं। रिलायबल नेपाल लाइफ इन्स्योरेन्सले भूकम्प पीडितका लागि ५ लाख रुपैयाँ बराबरको कम्बल सहयोग गरेको छ ।
कम्पनीले जाजरकोट जिल्लाको नलगाड नगरपालिकाका भूकम्प पीडितलाई उक्त रकम बराबरको कम्बल सहयोग गर्ने बताएको छ । साथै कम्पनीले जाजरकोट र रुकुम पश्चिम क्षेत्रमा रहेका आफ्ना सम्पूर्ण अभिकर्ता र अन्य कर्मचारीहरूलाई उद्धार कार्यमा सक्दो साथ र सहयोग गर्न अनुरोध गरेको छ ।
यसैगरी, उसले प्राकृतिक विपत्तिले निम्त्याएको यो कठिन घडीमा पीडित र शोक सन्तप्त परिवारजनमा धैर्यधारण गर्न पनि अनुरोध गरेको छ ।
वि.सं.२०८० कात्तिक २४ शुक्रवार १५:३३ मा प्रकाशित
