काठमाडौं । प्रभु इन्स्योरेन्स कम्पनीले चालू आर्थिक वर्षको पहिलो त्रैमासको वित्तीय विवरण सार्वजनिक गरेको छ ।
प्रकाशित विवरण अनुसार कम्पनीको खुद नाफा गत आवको पहिलो त्रैमासको तुलनामा २१ प्रतिशतले बढेको छ ।
गत आवमा ४ करोड १७ लाख रुपैयाँ नाफा कमाएको उक्त कम्पनीले चालूको आवको उक्त अवधिसम्ममा ५ करोड ६ लाख रुपैयाँ नाफा कमाएको छ । गत आवको तुलनामा चालू आवमा कम्पनीको कुल आम्दानी ३२ प्रतिशतले वृद्धि भएको छ ।
गत आवमा कम्पनीको कुल आम्दानी १८ करोड ९४ लाख रुपैयाँ रहेकोमा चालू आवमा बढेर २५ करोड ३ लाख रुपैयाँ पुगेको छ । समिक्षा अवधिमा कम्पनीको प्रतिसेयर आम्दानी १४ रुपैयाँ ७३ पैसा पुगेको हो ।
चुक्तापूँजी १ अर्ब ३७ करोड रुपैयाँ रहेको कम्पनीले रिटेन्ड अर्निङमा ९ करोड ५४ लाख रुपैयाँ र महाविपत्ति कोषमा ८ करोड ६४ लाख रुपैयाँ सञ्चित गरेको छ । हाल कम्पनीको मूल्य आम्दानी अनुपात ४४ गुणा र प्रतिशेयर नेटवर्थ २०८ रुपैयाँ रहेको छ ।
वि.सं.२०८० कात्तिक ३० बिहीवार १३:५८ मा प्रकाशित