काठमाडौं । ग्लोबल आइएमई बैंकले वार्षिक साधारणसभा बोलाएको छ ।
सभा नेपाल प्रज्ञा प्रतिष्ठान कमलादीमा आगामी मंसिर २८ गते बिहान ९ बजेदेखि शुरु हुनेछ ।सभाले प्रस्तावित एक प्रतिशत बोनस सेयर र ८ प्रतिशत नगद लाभांश पारित गर्नेछ ।
साधारणसभाले सञ्चालक समिति पनि चयन गर्नेछ। संस्थापकबाट तीन र सर्वसाधारणबाट अर्को तीनजना नयाँ सञ्चालकको चयन हुनेछन्।
सभाले आर्थिक वर्ष २०७९/८० को सञ्चालक समितिको वार्षिक प्रतिवेदन र लेखापरीक्षको प्रतिवेदन पारित गर्नेछ । यस्तै, सभाले आर्थिक वर्ष २०८०/८१ को लागि लेखापरीक्षकको नियुक्ति र पारिश्रमीक पनि निर्धारण गर्नेछ ।
वि.सं.२०८० मंसिर १ शुक्रवार ११:३४ मा प्रकाशित
