काठमाडौं । शिखर इन्स्योरेन्स कम्पनीले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार इन्स्योरेन्सले ११ करोड २४ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा १.३३ प्रतिशत बढी हो। गत आर्थिक वर्षको सोही अवधिसम्ममा इन्स्योरेन्सले ११ करोड ९ लाख रुपैयाँ खुद नाफा कमाएको थियो।
समीक्षा अवधिमा इन्स्योरेन्सको खुद बीमाशुल्क २०.६४ प्रतिशत बढेर २७ करोड ७८ लाख पुगेको छ। इन्स्योरेन्सको कमिशन आम्दानी ४.९८ प्रतिशत र लगानी तथा कर्जाबाट ३.७६ प्रतिशत घटेको छ। यस अवधिमा इन्स्योरेन्सको कुल आम्दानी ९.०५ प्रतिशत र कुल खर्च १३.८९ प्रतिशत बढेको छ।
समीक्षा अवधिमा इन्स्योरेन्सको प्रतिशेयर आम्दानी २३ पैसा बढेर १६ रुपैयाँ ९४ पैसा पुगेको छ। असोज मसान्तसम्ममा इन्स्योरेन्सको प्रतिशेयर नेटवर्थ १९९ रुपैयाँ २४ पैसा रहेको छ भने मूल्य आम्दानी अनुपात ४२.२१ गुणा रहेको छ।
२ अर्ब ६५ करोड ४९ लाख रुपैयाँ चुक्ता पूँजी रहेको यस इन्स्योरेन्सको महाविपत्ती कोषमा १४ करोड ८८ लाख रुपैयाँ सञ्चित रहेको छ भने रिटेन्ड अर्निङ्गमा ३३ करोड रुपैयाँ र अन्य इक्विटीमा ५८ करोड ७८ लाख रुपैयाँ रहेको छ।
वि.सं.२०८० मंसिर १ शुक्रवार ११:४५ मा प्रकाशित