काठमाडौं । नेपाल स्टक एक्सचेञ्ज (नेप्से)ले धौलागिरी लघुवित्तको शेयर कारोबार फुकुवा गरेको छ ।
लघुवित्तले गत आर्थिक वर्षको लाभांश सम्बन्धि निर्णय समयमा उपलब्ध नगराएकोले नेप्सेले कम्पनीको शेयर कारोबार रोक्का राख्दै स्पष्टिकरण सोधेको थियो ।
नेप्सेले ३ दिनभित्र के कति कारणले यस्तो हुन पुगेको कारण खुलाई स्पष्टिकरण सोधेकोमा कम्पनीले नेप्से समक्ष सर्भर मेलमा समस्या आएको कारण समयमा जानकारी दिन नसकेको र अबदेखि यस्तो गल्ती नदोहोर्याउने जनाउँदै मानवीय त्रुटीका कारण अन्यथा हुन गएको भनी स्पष्टिकरण पेश गरेको हुँदा आज मंसिर ५ गते देखि शेयर कारोबार फुकुवा गरिदिएको जानकारी दिएको छ । अब कम्पनीको शेयर भोली देखि कारोबारमा आउनेछ ।
वि.सं.२०८० मंसिर ५ मंगलवार १६:२६ मा प्रकाशित
