पोखरा । ६ महिनादेखि फरार रहेका इमेज बचत तथा ऋण सहकारी संस्थाका अध्यक्ष देवकुमार नेपाली सम्पर्कमा आएका छन् । बाग्लुङको ढोरपाटन नगरपालिकाका मेयर समेत रहेका नेपालीले सामाजिक सञ्जालमा लाइभ आउँदै आफूले बचतकर्ताको पैसा फिर्ता गर्न तयार रहेको बताएका छन् ।
नेपालीले मंगलबार सामाजिक सञ्जालमा लाइभ आउँदै आफ्नो नाममा रहेको घरजग्गा बचतकर्तालाई हस्तान्तरण गर्न चाहेको बताएका हुन् । हस्तान्तरण गर्नको लागी वातावरण मिलाई दिन मेयर नेपालीले आग्रह गरेका छन् ।
‘सहकारीको समस्या बचतकर्ताहरुको समस्या समाधानको लागी सम्पूर्ण बचतकर्ताहरुको नाममा मेरो र मेरो श्रीमती को नाममा भएको घर जग्गा बिभिन्न मालपोत कार्यालय मा गई हस्तान्तरण गर्न को लागी चाहान्छु । हस्तान्तरण गर्नको लागी वातावरण मिलाई दिन कानून निकाय, राजनिती दल, नागरिक समाज पत्रकार र बिभिन्न सरोकार वालाहरुलाई अनुरोध गर्दछु,’ उनले भनेका छन् ।
वि.सं.२०८० मंसिर ५ मंगलवार १८:५९ मा प्रकाशित