काठमाडौं । साताको दोस्रो कारोबार दिन सुनको भाउमा बढोत्तरी आएको छ । उक्त दिन सुन प्रतितोला ५०० रुपैंयाले बढेको हो ।
नेपाल सुन चाँदी ब्यावसायी महासंघका अनुसार आज छापावाल सुन प्रतितोला १ लाख १७ हजार ४०० रुपैयाँमा कारोबार भएको छ भने तेजावी सुन प्रतितोला १ लाख १६ हजार ८५० रुपैयाँमा कारोबार भइरहेको छ ।
यसअघि कात्तिक ११ गते छापावाल सुन अहिलेसम्मकै उच्च तोलाको १ लाख १७ हजार रुपैयाँमा कारोबार भएको थियो । यसैगरी, तेजावी सुनको भाउ तोलाको १ लाख १६ हजार ४५० रुपैयाँ निर्धारण भएको थियो ।
अघिल्लो कारोबार दिन आइतबार छापावाल सुन प्रतितोला १ लाख १६ हजार ९०० रुपैयाँमा र तेजावी सुन प्रतितोला १ लाख १६ हजार ३५० रुपैयाँमा कारोबार भएको थियो ।
त्यसैगरी, आज चाँदी भाउ प्रतितोला १५ रुपैंयाले बढेर १ हजार ५०० रुपैयाँमा कारोबार भइरहेको छ । आइतबार चाँदी १ हजार ४८५ रुपैयाँमा कारोबार भएको थियो ।
वि.सं.२०८० मंसिर ११ सोमवार १०:४८ मा प्रकाशित