काठमाडौं । नबिल बैंकले ३ अर्ब रुपैयाँ बराबरको ऋणपत्र बिक्री गर्ने भएको छ । बैंकले प्रतिकित्ता १ हजार रुपैयाँ दरले कुल ३० लाख इकाई ऋणपत्र बिक्री गर्न नेपाल धितोपत्र बोर्डबाटबाट अनुमति पाएको हो ।
जसमध्ये १२ लाख इकाई सर्वसाधारणका लागि निष्कासन हुनेछ भने बाँकी १८ लाख इकाई बैंकले आफ्नै पहलमा प्राइभेट प्लेसमेन्ट गर्ने भएको छ ।
बैंकले ७ वर्ष अवधिको नबिल बैंक ऋणपत्र २०८७” जारी गर्न लागेको हो । यस ऋणपत्रमा वार्षिक ९ प्रतिशत ब्याजदर हुनेछ । यो ऋणपत्रको बिक्री प्रबन्धक कुमारी क्यापिटललाई नियुक्त गरेको छ ।
वि.सं.२०८० मंसिर ११ सोमवार १४:१२ मा प्रकाशित
