काठमाडौं । सिद्धार्थ प्रिमियर इन्स्योरेन्सले संस्थापक सेयर बिक्रीमा ल्याएको छ । इन्स्योरेन्सले संस्थापक सेयरधनीको नाममा रहेको ५ लाख ३३ हजार ८६५ कित्ता संस्थापक सेयर बिक्रीमा ल्याएको हो ।
कम्पनीले एक सूचना प्रकाशित गर्दै प्रतिकित्ता न्यूनतम २२० रुपैयाँमा बिक्री गर्न लाएको जानकारी दिएको छ । यो कम्पनीको साधारण सेयरको दोश्रो बजारमा मूल्य प्रतिकित्ता ७०० रुपैंयाको हाराहारीमा छ ।
कम्पनीका विद्यमान संस्थापक सेयरधनी वा जोकोही व्यक्ति, फर्म वा कम्पनी, संघसंस्थाहरुले मंसिर २८ गतेसम्म आफूले किन्न चाहेको दररेटसहित गोप्य शिलबन्दी बोलपत्र पेश गर्न भनिएको छ ।
कम्पनीको सेयर बिक्री तथा निश्कासनमा प्रबन्धकको काम एनआईसी एशिया क्यापिटलले गर्दै आएको छ । इच्छुकले एनआईसी एशिया क्यापिटलको काठमाडौंस्थित मुख्य कार्यालयमा गोप्य शिलबन्दी बोलपत्र पेश गर्नुपर्ने छ।
सेयर खरीदका लागि बोलकबोल गर्दा न्यूनतम ५००० कित्ताका लागि आवेदन दिनुपर्ने तथा अधिकतम सबै कित्तासम्मका लागि समेत आवेदन दिन सकिने जनाइएको छ ।
वि.सं.२०८० मंसिर २२ शुक्रवार १०:१६ मा प्रकाशित
