काठमाडौं। चिलिमे जलविद्युत कम्पनी लिमीटेडले साधारण सभा बोलाएको छ । कम्पनीले लाभांश वितरणको प्रस्तावसहित आगामी पुस २० गते आफ्नो २७ औं वार्षिक साधारणसभा बोलाएको हो ।
सभा पुस २० गते बिहान ११ बजे भृकुटीमण्डपस्थित राष्टिय सभा गृहमा बस्ने भएको छ । सभामा गत आर्थिक वर्षको मुनाफाबाट चुक्तापुँजीको ५ प्रतिशतले हुन आउने नगद लाभांश(करसहित) र १० प्रतिशतले हुन आउने बोनस सेयर वितरण गर्ने प्रस्ताव रहेकोछ ।
साथै,सोही आर्थिक वर्षको प्रतिवेदनउपर छलफल गरी पारित गर्ने, सोही अवधिको वासलात, नाफा नोक्सान हिसाब, नगदप्रवाह विवरण र इक्वीटीमा भएको परिवर्तन लगायतका अजेण्डा समेत सभाले पारित गर्नेछ ।
कम्पनीको प्रबन्धपत्र र नियमावली संसोधन गर्ने, सञ्चालक समितिमा रहने २ स्वतन्त्र सञ्चालकहरुको नियुक्ति वा निर्वाचित हुने विषयमा समेत ठोस निर्णय हुने बताइएको छ ।
साधारणसभा प्रयोजनका लागि कम्पनीले पुस ८ गते एकदिनका लागि बुक क्लोज गर्नेछ । यसर्थ पुस ७ गतेसम्म कायम सेयरधनीले मात्र उक्त कम्पनीले वितरण गर्ने लाभांश प्राप्त गर्न र साधारण सभामा भाग लिन सक्नेछन् ।
वि.सं.२०८० मंसिर २६ मंगलवार १०:०२ मा प्रकाशित
