काठमाडौं । साताको चौथो कारोबार दिन आज मंसिर २७ गते बुधबार सुनको भाउ घटेको छ । उक्त दिन सुन प्रतितोला ३०० रुपैंयाले घटेको हो ।
नेपाल सुन चाँदी ब्यावसायी महासंघका अनुसार आज छापावाल सुन प्रतितोला १ लाख १६ हजार रुपैयाँमा कारोबार भएको छ भने तेजावी सुन प्रतितोला १ लाख १५ हजार ४५० रुपैयाँमा कारोबार भइरहेको छ ।
यसअघि मंगलबार मंसिर २६ गते छापावाल सुन प्रतितोला १ लाख १६ हजार ३०० रुपैयाँमा र तेजावी सुन प्रतितोला १ लाख १५ हजार ७५० रुपैयाँमा कारोबार भएको थियो ।
त्यसैगरी, आज चाँदीको भाउ प्रतितोला १० रुपैंयाले घटेर १ हजार ४१० रुपैयाँमा कारोबार भइरहेको छ । मंगलबार चाँदी १ हजार ४१० रुपैयाँमा कारोबार भएको थियो ।
वि.सं.२०८० मंसिर २७ बुधवार १०:३७ मा प्रकाशित