काठमाडौं । हाथवे इन्भेष्टमेन्ट नेपाल लिमीटेडले लाभांश घोषणा गरेको छ ।
कम्पनीको पुस २ गते बसेको सञ्चालक समितिको बैठकले आर्थिक वर्ष २०७९ ८० को वितरणयोग्य मुनाफाबाट हाल कायम रहेको चुक्तापूँजीको १० प्रतिशत बोनस सेयर र कर प्रयोजनका लागि आवश्यक ०.५२६ प्रतिशत नगद लाभांश गरी जम्मा १०.५२६ प्रतिशत लाभांश वितरण गर्ने निर्णय गरेको हो ।
लाभांश प्रस्तावसहित आगामी वार्षिक साधारणसभा समक्ष प्रस्ताव पेश गर्ने निर्णय गरिएको बताएको छ । कम्पनीको पन्ध्रौं वार्षिक साधारणसभा पुस २६ गते बिहीबारका दिन १० बजे बोलाएको छ ।
साधारणसभा प्रयोजनका लागि कम्पनीले पुस १२ गते बुकक्लोज गर्ने भएको छ। यसर्थ, पुस ११ गतेसम्म कायम सेयरधनीले मात्र कम्पनीले वितरण गर्ने लाभा.श प्राप्त गर्न र साधारणसभामा सहभागी हुन सक्नेछन् ।
वि.सं.२०८० पुस ३ मंगलवार १०:०८ मा प्रकाशित
