काठमाडौं । शिभम् सिमेन्टले लाभांश घोषणा गरेको छ । कम्पनीको पुस ३ गते बसेको सञ्चालक समितिको बैठकले आर्थिक वर्ष २०७९ /८० को वितरणयोग्य मुनाफाबाट हाल कायम रहेको चुक्तापूँजीको १४.२५ प्रतिशत बोनस सेयर र कर प्रयोजनका लागि आवश्यक ०.७५ प्रतिशत नगद लाभांश गरी जम्मा १५ प्रतिशत लाभांश वितरण गर्ने निर्णय गरेको हो ।
लाभांश प्रस्तावसहित आगामी वार्षिक साधारणसभा समक्ष प्रस्ताव पेश गर्ने निर्णय गरिएको बताएको छ । कम्पनीको आठौं वार्षिक साधारणसभा पुस २७ गते बोलाएको छ ।
साधारणसभा प्रयोजनका लागि कम्पनीले पुस १९ गते बुकक्लोज गर्ने भएको छ। यसर्थ, पुस १८ गतेसम्म कायम सेयरधनीले मात्र कम्पनीले वितरण गर्ने लाभा।श प्राप्त गर्न र साधारणसभामा सहभागी हुन सक्नेछन् ।
वि.सं.२०८० पुस ३ मंगलवार ११:१२ मा प्रकाशित
