काठमाडौं । सिद्धार्थ प्रिमियर इन्स्योरेन्सले पनि प्रिमियम रकम वापतको कर तिरेको छ । कम्पनीले सेयर प्रिमियमको रकमलाई निकायको आयमा समावेश गरी कर वापत १६ करोड १४ लाख ३६ हजार ६६६ रुपैयाँ ठूला करदाता कार्यालयमा दाखिला गरेको हो ।
एफपीओ तथा हकप्रद सेयर लिलामीबाट प्राप्त प्रिमियमलाई आयमा गणना गर्नुपर्ने व्यवस्था गरिएपछि उक्त कर दाखिला गरिएको इन्स्योरेन्सले बताएको छ ।
साविकका सिद्धार्थ इन्स्योरेन्स र प्रिमियर इन्स्योरेन्स मर्ज भएर सिद्धार्थ प्रिमियर इन्सुरेन्स बनेको हो । मर्ज हुनुअघि प्रिमियर इन्सुरेन्सले एफपीओ र सिद्धार्थ इन्स्योरेन्सले हकप्रद सेयर जारी गरेका थिए ।
वि.सं.२०८० पुस ३ मंगलवार १३:१८ मा प्रकाशित
