काठमाडौं । अटोमोबाइल व्यवसायीहरुको छाता संस्था नाडा अटोमोबाइल्स एसोसिएसन अफ नेपालको अध्यक्ष करण चौधरीलाई बनाउने सहमति भएको छ । मंगलबार बसेको तीन जना उम्मेदवारहरूबीचको बैठकले चौधरीलाई नै अध्यक्ष बनाउने सहमति भएको हो ।
नाडाको अध्यक्षका लागि उम्मेदवारी घोषणा गरेका आकाश गोल्छा र प्रकाश कपुरीको समर्थनमा चौधरी आगामी कार्यकालका लागि अध्यक्ष बन्ने भएका हुन् । त्यसपछिको अवधिका लागि भने आकाश गोल्छा नाडाको अध्यक्ष हुनेछन् ।
नाडाको ४७ औं साधारणसभा आगामी पुस २० र २१ गते हुँदैछ । त्यसअघि नै सहमतिमा अध्यक्ष चुनिएको हो ।
यसअघिको कार्यकालका लागि भएको चुनावमा पनि करण अध्यक्षका उम्मेद्वार थिए । सो बेला भने ध्रुव थापा अध्यक्षमा निर्वाचित भएका थिए ।
वि.सं.२०८० पुस ३ मंगलवार १९:०० मा प्रकाशित