काठमाडौं । सान्जेन जलविद्युतले साधारण सभा बोलाएको छ । सभा कार्की पार्टी प्यालेस सुकेधारा, काठमाडौंमा पुस २९ गते बिहान ९ बजेदेखि सुरु हुनेछ । कम्पनीले लाभांश सम्बन्धी भने कुनै प्रस्ताव गरेको छैन ।
सभा प्रयोजनका लागि कम्पनीले पुस १९ गते बुक क्लोज गर्ने भएको छ । यसर्थ, पुस १८ गतेसम्म कायम सेयरधनीले सभामा भाग लिन सक्नेछन् ।
सभाले कम्पनीको नियमावली संशोधन सम्बन्धमा विशेष प्रस्ताव पारित गर्नेछ । साथै, सभामा आर्थिक वर्ष २०७९/८० को नाफा नोक्सानसम्बन्धी हिसाबका सम्बन्धमा छलफल हुनेछ । आर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ ।
वि.सं.२०८० पुस ५ बिहीवार १३:२२ मा प्रकाशित
