काठमाडौं । नेपाल टेलिकमले साधारण सभा बोलाएको छ । सभा राष्ट्रिय सभा गृह प्रदर्शनीमार्ग काठमाडौंमा पुस २९ गते बिहान ११ बजेदेखि सुरु हुनेछ ।
सभामा गत वर्षको नाफाबाट लगानीकर्तालाई ४० प्रतिशत नगद लाभांश वितरण गर्ने प्रस्ताव पेश गर्ने एजेण्डा रहेको छ । गत आर्थिक वर्षको वार्षिक प्रतिवेदन, नाफा–नोक्सान हिसाबलगायतमा पनि छलफल हुनेछ ।
यस्तै, आर्थिक वर्ष २०८०/८१ को लागि लेखापरिक्षक नियुक्त गर्ने एजेन्डा पनि रहेको छ । सभा प्रयोजनका लागि कम्पनीले पुस १९ गते देखि पुस २९ गतेसम्म बुक क्लोज गर्ने भएको छ।
यसर्थ, पुस १८ गतेसम्म कायम सेयरधनीहरुले मात्र सभामा भाग लिन र प्रस्तावित लाभांश पाउन सक्नेछन् ।
वि.सं.२०८० पुस ८ आइतवार १०:३५ मा प्रकाशित
