काठमाडौं । आज पुस ११ गते, बुधबार, हाथवे इन्भेष्टमेन्ट, फर्स्ट माइक्रोफाइनान्स र तारागाउँ रिजेन्सी होटलको लाभांश सुरक्षित गर्ने अन्तिम दिन रहेको छ। यी तीन वटै कम्पनीले साधारण सभा तथा लाभांश वितरण प्रयोजनार्थ भोली अर्थात पुस १२ गते बुकक्लोज गर्ने भएका छन्।
यसर्थ, आजसम्म कायम शेयरधनीहरुले यी कम्पनीहरुको साधारण सभामा सहभागिता भाग लिन तथा कम्पनीहरुले वितरण गर्ने लाभांश प्राप्त गर्न सक्नेछन्।
हाथवेले हाल कामय चुक्ता पूँजीको १० प्रतिशत बोनस शेयर र ०.५२६ प्रतिशत कर प्रयोजनार्थ नगद लाभांश गरी जम्मा १०.५२६ प्रतिशत लाभांश वितरण गर्ने घोषणा गरेको छ । सोमध्ये हेको छ। सोही प्रस्ताव पारित गर्न कम्पनीले पुस २६ गते, बिहीबार लैनचौर ब्याङ्क्वेट, लैनचौर काठमाडौँमा १५ औँ वार्षिक साधारण सभा बोलाएको छ। सभा बिहान १० बजे शुरु हुनेछ।
त्यसैगरी, फर्स्ट माइक्रोफाइनान्सले हाल कायम चुक्ता पूँजीको ७.५ प्रतिशत बोनस शेयर र सोको कर प्रयोजनार्थ सहित ७.५ प्रतिशत नगद लाभांश गरी जम्मा १५ प्रतिशत लाभांश वितरण गर्ने भएको छ । सोही लाभांश प्रस्तावसहित कम्पनीले पुस २८ गते, शनिबार आम्रपाली व्याङ्केट, भाटभटेनी, काठमाडौँमा चौधौँ वार्षिक साधारण सभा बोलाएको छ। सभा बिहान १० बजे शुरु हुनेछ।
त्यस्तै, तारागाउँ रिजेन्सीले हाल कायम चुक्ता पूँजीको ११ प्रतिशत नगद लाभांश र ४ प्रतिशतका दरले बोनस शेयर गरी कुल १५ प्रतिशत लाभांश वितरण गर्ने भएको छ। सोही प्रस्तावसहित कम्पनीले पुस २४ गते, नेपाल पर्यटन बोर्ड, भृकुटीमण्डप, काठमाडौँमा २७ औँ साधारण सभा बोलाएको छ। सभा बिहान ११ बजे शुरु हुनेछ।
वि.सं.२०८० पुस ११ बुधवार ०६:५१ मा प्रकाशित