काठमाडौं । हिमालयन इन्स्योरेन्सको आइपीओ आज पुस ११ गते बुधबार बाँडफाँड हँदैछछ । बिक्री प्रबन्धक एनएमबि क्यापिटलका अनुसार बुधबार बिहान १० बजे ताज ब्यांकेट बालुवाटार, काठमाडौंमा बाँडफाँड गर्ने समय तालिका तय भएको छ ।
कम्पनीको आईपीओमा अन्तिम दिनसम्ममा १६ लाख ६० हजार २२ जनाले ३ करोड २२ लाख १५ हजार ७० कित्ताका लागि आवेदन दिएका हुन् । यो मागभन्दा १.२९ गुणा बढी आवेदन हो । यसमा दिने सवै आवेदकले १० कित्ताका दरले शेयर पाउने भएका छन् ।
कम्पनीले १०६ रुपैयाँ प्रिमियम थप गरी २०६ रुपैयाँका दरले २ करोड ४९ लाख कित्ता शेयरको लागि आवेदन माग गरेको थियो ।
कम्पनीले जारी पुँजीको ३० प्रतिशत अर्थात ३ अर्ब रुपैयाँ बराबरको आईपीओ निष्काशन गरेको हो । वैदेशिक रोजगारमा गएका कामदार र म्युचुएल फन्डलाई बाँडफाँड गरिसकेपछि अन्तिममा बाँकी भएको कित्ता सर्वसाधारणको लागि आवेदन खुला गरिएको थियो ।
वि.सं.२०८० पुस ११ बुधवार ०७:०० मा प्रकाशित
