काठमाडौं । तेह्रथुम पावर कम्पनी लिमिटेडको साधारण सभा मिति सरेको छ । कम्पनीले यसअघि पुस २१ गते बोलाएको सभा अब माघ १३ गते बोलाएको हो । प्राविधिक कारणले सभा सरेको कम्पनीले जानकारी दिएको छ । सभा वैभव पार्टी भेन्यू मैतिदेवि, काठमाडौंमा दिउँसो साढे १२ बजे सुरु हुनेछ ।
कम्पनीले लाभांश सम्बन्धी कुनै प्रस्ताव अघि सारेको छैन । चुक्ता पुँजीमा १०० प्रतिशत हकप्रद सेयर जारी गर्ने प्रस्ताव भने पेश गर्नेछ । सभामा आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा छलफल हुनेछ । आर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ ।
साधारण सभा प्रयोजनका लागि यस कम्पनीले मंसिर २८ गते बुक क्लोज गरिसकेको छ ।यसर्थ, मंसिर २७ गतेसम्म कायम रहेका सेयरधनी मात्र सभामा भाग लिन सक्नेछन्।
वि.सं.२०८० पुस २० शुक्रवार १०:५६ मा प्रकाशित