काठमाडौं । ईङ्वा हाइड्रोपावर लिमिटेडले आफ्नो १४ औं वार्षिक साधारणसभा आज (पुस २२ गते ) कम्पनीकी अध्यक्ष सुमित्रा देबी न्यौपानेको अध्यक्षतामा सम्पन्न गरेको छ।
थापागाउँ स्थित बानेश्वर ब्याङ्क्वेटमा सम्पन्न साधारणसभाले कम्पनीको आर्थिक वर्ष २०७९/८० को सञ्चालक समितिको प्रतिवेदन छलफल गर्दै पारित गरेको हो।
अर्को प्रस्तावहरुमा लेखापरीक्षण प्रतिवेदनसहित वित्तीय विवरणहरु पारित गर्नुका साथै यस आर्थिक वर्ष २०८०/८१ को लागि लेखापरीक्षक नियुक्ति गर्दै सोको पारिश्रमिक निर्धारण पनि गरेको छ।
तेस्तै सर्वसाधारण सेयरधनीको तर्फबाट संचालकमा इन्द्र मणि त्रिताल र भेजप्रसाद तिमिल्सीना निर्वाचित भएका छन्।
कम्पनीले साधारणसभा प्रयोजनार्थ पुस १३ गते एक दिन बुक क्लोज गरेको थियो। यस हाइड्रोपावर कम्पनीले वैशाख १३ गतेदेखि सर्वसाधारणका लागि १८ करोड रुपैयाँ बराबरको १८ लाख कित्ता बराबरको आइपीओ बिक्री खुला गरेको हो।
कम्पनीले प्रबर्धन गरिरहेको ९.७ मेगावाटको ईङवा खोला साना जलविद्युत आयोजना यस कम्पनीको मुख्य जलविद्युत परियोजना हो।
वि.सं.२०८० पुस २२ आइतवार १९:२८ मा प्रकाशित