काठमाडौं । आज पुस २६ गते सिटिजन लाइफ इन्स्योरेन्स कम्पनीको लाभांस सुरक्षित गर्ने अन्तिम दिन रहेको छ ।
कम्पनीले लाभांस वितरण प्रयोजनका लागि भोलि पुस २७ गते बुक क्लोज गर्ने भएको छ । यसर्थ आजसम्म कायम सेयरधनीहरु मात्रै कम्पनीले घोषणा गरेको लाभांस प्राप्त गर्न र साधारण सभामा सहभागी योग्य हुनेछन् ।
कम्पनीले आर्थिक वर्ष २०७९/८० का लागि ५ प्रतिशत बोनस सेयर र ०.२६३२ प्रतिशत नगद(कर प्रयोजनका लागि) गरी कुल ५.२६३२ प्रतिशत लाभांस वितरणको घोषणा गरेको छ । प्रस्तावित लाभांस पारित गर्न कम्पनीले आगामी माघ १४ गते वार्षिक साधारण बोलाएको छ ।
वि.सं.२०८० पुस २६ बिहीवार १०:२४ मा प्रकाशित
