काठमाडौं। हिमालयन एभरेष्ट इन्स्योरेन्सले ३० औँ वार्षिक साधारणसभा बोलाएको छ । कम्पनीले काठमाडौं थापागाँउमा रहेको बानेश्वर ब्यांक्वेटमा आगामी माघ २५ गते बिहान ११ बजे सभा डाकेको हो ।
सभामा गत आर्थिक वर्षका लागि चुक्तापूँजीको ८.६३ प्रतिशत बोनस सेयर र ६.३७ प्रतिशत नगद लाभांश(कर प्रयोजनका लागि समेत) गरी कुल १५ प्रतिशत लाभांश वितरणको विशेष प्रस्ताव रहेको छ ।
यस्तै सभामाले रिक्त स्वतन्त्र विज्ञ सञ्चालकको नियुक्तीलाई अनुमोदन गर्नेछ । यसैगरी, सभाले चालू आर्थिक वर्ष २०८०/०८१ का लागि लेखापरीक्षक नियुक्ति गर्ने, गत आर्थिक वर्षको वासलात, नाफानोक्सान हिसाव, नगद प्रवाह स्थिति लगायतका विवरणमाथि छलफल गरी पारित गर्ने छ ।
कम्पनीले साधारणसभा प्रयोजनको लागि माघ १४ गते बुक क्लोज गर्ने भएको छ। यसर्थ माघ १३ गतेसम्म कायम सेयरधनीले मात्र सभामा भाग लिन र लाभांस प्राप्त गर्न सक्नेछन् ।
वि.सं.२०८० पुस २७ शुक्रवार १०:४६ मा प्रकाशित