काठमाडौं । एनआइसी एसिया बैंकले बोनस सेयर सम्बन्धित सेयरधनीको डिम्याट खातामा जम्मा गरिदिएको छ । बैंकले गत असोज १५ गतेसम्म सेयर डिम्याट गराएकाहरुको २९ प्रतिशत बोनस सेयर खातामा पठाइदिएको हो ।
बैंकको असोज २८ गते सम्पन्न साधारण सभाले २९ प्रतिशत बोनस सेयर र कर प्रयोजन सहित १.५२ प्रतिशत नगद लाभांश दिने प्रस्ताव पारित गरेको थियो ।
असोज १५ पछि डिम्याट गर्नेहरुको बोनस सेयर पनि खातामै जम्मा गर्ने तयारी भइरहेको बैंकले जानकारी दिएको छ । तर, अहिलेसम्म पनि डिम्याट नगरेकाहरुले खातामा बोनस सेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ ।
वि.सं.२०८० पुस २७ शुक्रवार १०:३७ मा प्रकाशित
