काठमाडौं । माछापुच्छ्रे बैंकले संस्थापक सेयर बिक्रीमा ल्याएको छ ।बैंकको संस्थापक समूहको १ करोड १२ लाख ३२ हजार ४९४ कित्ता संस्थापक सेयर बिक्रीमा ल्याएको हो । यो सेयर खरिदका लागि जो कोहि व्यक्ति,संघ संस्था,फर्म वा कम्पनीले आवेदन दिन सक्नेछन् ।
सेयरको न्यूनतम मूल्य ११३ रुपैयाँ तोकिएको छ । इच्छुक लगानीकर्ताले सुन्धारामा रहेको माछापुच्छ्रे क्यापिटलमा आईपुग्ने गरी आफुले लिन चाहेको सेयर संख्या र दर उल्लेख गरि बोलपत्र पेश गर्नुपर्नेछ ।
सेयर बोलकबोलका लागि आवेदन पेश गर्दा न्यूनतम १ लाख कित्ता र अधिकतममा सम्पूर्ण सेयर संख्या खरिदका लागि आवेदन पेश गर्न सकिनेछ । इच्छुक लगानीकर्ताले माघ १५ गतेभित्र बोलपत्र आवेदन पेश गर्नुपर्नेछ ।
वि.सं.२०८० माघ ५ शुक्रवार १०:३६ मा प्रकाशित
