काठमाडौं । साताको दोस्रो कारोबार दिन सेयर बजारमा दोहोरो अंकले गिरावट आएको छ । उक्त दिन बजार ३१.४९ अंकले घटेर २०९८ को विन्दुमा कायम हुन पुगेको छ ।
उक्त दिन सबैभन्दा बढी हिमालयन रिइन्स्योरेन्स लिमिटेडको सेयर कारोबार भएको छ । आज कम्पनीको ७८ करोड ६३ लाख ८३ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको ङादी ग्रुप पावरको ३१ करोड १ लाख ३० हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन अपी पावर कम्पनीको २४ करोड २७ लाख ३२ हजार रुपैयाँ, सन नेपाल लाइफ इन्स्योरेन्स कम्पनीको १६ करोड २१ लाख ३८ हजार रुपैयाँ र एनआरएन इन्फ्रास्ट्रक्चरको १५ करोड १ लाख ४१ हजार रुपैयाँको कारोबार भएको हो ।
वि.सं.२०८० माघ ८ सोमवार १५:०५ मा प्रकाशित
