काठमाडौं । सिंगटी हाइड्रो इनर्जी लिमिटेडले लाभांश वितरण नगर्ने भएको छ । कम्पनीको माघ ९ गते बसेको सञ्चालक समितिको बैठकले गत आर्थिक वर्ष २०७९/८० का लागि कुनै पनि लाभांश वितरण नगर्ने घोषणा गरेको हो ।
बैठकले फागुन १ गतेका लागि कम्पनीको १४ औं वार्षिक साधारण सभा बोलाएको छ । उक्त सभामा हकप्रद सेयर निष्कासन गर्ने प्रयोजनका लागि कम्पनीको नियमावली तथा प्रवन्धपत्रमा संशोधन गर्ने विशेष प्रस्ताव पारित गरिनेछ ।
सभामा आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा छलफल हुनेछ । साथै, आर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ ।
कम्पनीले साधारण सभा प्रयोजनका लागि माघ १८ गते बुक क्लोज गर्ने निर्णय गरेको छ । यसर्थ माघ १७ गतेसम्म कायम सेयरधनी मात्र सभामा भाग लिन सक्नेछन् ।
वि.सं.२०८० माघ १० बुधवार १०:३० मा प्रकाशित