काठमाडौं । साताको अन्तिम कारोबार दिन सेयर बजारमा गिरावट आएको छ । उक्त दिन बजार ३.९४ अंकले घटेर २०८४ को विन्दुमा कायम हुन पुगेको छ ।
आज नेप्सेमा कारोबार भएको ३०४ कम्पनीको १ करोड १६ लाख ८९ हजार ९५५ कित्ता सेयर किनबेच हुँदा ३ अर्ब ७६ करोड ४५ लाख ५ हजारको कारोबार भएको छ । बजारमा गिरावट आउँदा ५ वटा उपसूचकमा मात्र हरियाली छाएको छ । आजसमेत गरी सेयर बजार लगातार ७ कारोबार दिन घटेको छ ।
उक्त दिन सिटिजन म्युचुअल फण्डको सेयर मूल्य सर्वाधिक घटेको छ । कम्पनीको सेयर मूल्य ५.०३ प्रतिशतले घटेको हो । त्यस्तै, धौलागिरी लघुवित्तको ४.३५ प्रतिशत, महुली लघुवित्तको ४.१० प्रतिशत, तेह्रथुम पावरको ४.०५ प्रतिशतले सेयर मूल्य घटेको छ ।
वि.सं.२०८० माघ ११ बिहीवार १५:१७ मा प्रकाशित